වෙනදා උදේ හත පහු වෙනකම් නිදා ගන්න ක්ෂිතිජ අද වෙනදාට වඩා කලින් ඇහැරුණේ අලුත් පංතියේ පළවෙනි දවස නිසා වෙන්නැති කියලා ක්ෂිතිජගේ අම්මට හිතුණා. වෙනදා ඒකට අම්මලා උනත් ඒ තරම් උනන්දු නොවුනේ ගේ ළඟම ඉස්කෝලේ තිබුණු නිසයි.
´´ පුතා ටිකක් ඉක්මන් කරන්න.... `` අම්මා පුරුදු සීඩි එක වාදනය කලා. අලුත් සුදු කලිසම ඇදලා ඉස්කෝලේ යන අවුරුද්දේ පළවෙනි දවස නිසා ටිකක් වැඩිපුර ජෙල් ටිකක් ගාන්න ක්ෂිතිජ අමතක කලේ නැහැ. කොටට කොටේ නිල් කලිසමට ආයුබෝවන් කියපු කොල්ලෝ සේරම සුදු දිග කලිසම් ඇදගෙන අලුත් පංතිය ලැබෙන කං තැන් තැන්වලට වෙලා පොඩි කයියක් දාගෙන හිටියා.
´´ සත්තු වගේ කෑ ගහන්නේ නැතුව පෝලිම් වලට යනවා... හරක් පැටව් ``
අතට අහුවෙච්ච පොලු කෑල්ලක් උස්සං ´´මස් වැද්දා`` පිට්ටනියේ කොල්ලො ටික පන්නනවා. මස් වැද්දා කියලා කිව්වේ ක්ෂිතිජලගේ විනයභාර ගුරා ට. කොල්ලොන්ව මරං කන්න හදන නිසා මේ නමින් සර්ව භෞතීස්ම කරන්න කොල්ලො පුරුදු වෙලා හිටියා.
´´ තමුසේ දැන්ද ඉස්කෝලේ එන්නේ.... උඹේ අප්පගේ අම්මගේ බූදලයක් ද ඕයි මේක.... ``
මළ කෙලියයි මස්වැද්දා පොල්ල උස්සගෙන ක්ෂිතිජ ඉන්න පැත්තට එනවා. ක්ෂිතිජ වැඩේ කෙල වුණු බව දැන ගෙන වටපිට බැලුවේ සහනාධාරයක් කොහෙන් හරි කැරකිලා ඒවී කියන විස්වාසෙන්.
´´ අනේ සර්.. මමයි ක්ෂිතිජ ව කඩේට ඇරියේ...`` පිටිපස්සෙන් ඇහුණු ඒ ස්වීට් වොයිස් එක කාගේදැයි බලන්න අනිත් පැත්ත හැරුණු ක්ෂිතිජ දැක්කේ සිංහල මිස් ව. චන්ද්‍රිකා මිස් කවදත් ක්ෂිතිජ ට හරිහිතවත්. උඩ ඉන්න දෙවියොත් වේලාවට මූණ බලනවා කියලා ක්ෂිතිජට එවේලෙම හිතුණා.
´´ ආ... මිස් එහෙනම් කමක් නෑ... මම හිතුවේ මූ කොහේ හරි වලක් බැහැලා දැන් රිංගනවා කියලා..... හරි මිස් යන්න... තමුසේ දැන් රැස්වීමට යනවා... මිස්ටත් පුඑවන්නම් ඉක්මන් කරලා එන්න... රැස්වීමට වේලාව හරි... ``
ක්ෂිතිජ මිස් දිහා බැලුවේ තැන්ක්යු කියන අදහසින්, මිසුත් කට කොනකින් හිනාව දා ගෙන යන්න ගියා.
´´ ආ... පැණි කුරුල්ලා... කොහෙද රහත් වෙලා හිටියේ... `` ගයාන් ක්ෂිතිජගේ පිටට පහරක් ගහන ගමන් ඇහුවා.
´´ නෑ මචං, එනකොට මස් වැද්දට මාට්ටු උනා නේ ``
´´ පෝරියල් එක කෑවද මල්ලි ``
´´ වේලාවට චන්ද්‍රිකා මිස් එන්ටර් වුණු නිසා බේරුණා, නැත්නම් නිව් පින්ච් එක වැද්දාම දෙනවා``
ගයාන් කියන්නේ ක්ෂිතිජගේ බොක්ක. කොහේ ගියත් දෙන්න එකට. අදුරගෙන වැඩි කාලයක් නැතත් දෙන්න හරි ඉක්මනට සෙට් උනේ දෙන්නගෙම අදහස් හුඟක් දුරට සමාන වෙච්ච නිසයි.
´´ මචං උඹ රැස්වීමට යනවද ? ``
´´ පිස්සු ද බං , අපි කැන්ටින් එක පැත්තෙන් පංතියට රිංගමු ``
`` අලුත් පංතිය තියෙන තැන ක්ෂිතිජ දන්නව ද ?``
´´ නෑ බං කොහේ හරි පංතියකට වෙලා ඉමු ``
´´ හරි යමං එහෙනම් ``
රැස්වීම ඉවර වෙලා කට්ටයම ආවා. ගයාන් වෙන පංතියකට දාලා තිබුණේ. ඕලේවල් පංති හයක් තිබුණු නිසා එක පංතියකට පනහක් විතර වැටිලා තිබුණා.
´´ අද හවස අර විද්‍යාව පංතිය පටන් ගන්නවා.. උඹ එනවද ? `` ගයාන් එහෙම ඇහුවේ ඉන්ටවල් එකට සෙට් වෙන ගමන්.
´´ බෝරිං වෙයිද දන්නෙ නෑනේද මචං... ම්ම්... කමක් නෑ... කීයද ක්ලාස් ෆීස් එක ? ``
´´ දෙසිය පනහයි... ඒ වුණාට පාඩු නෑලූ බං... ඒ මිස් එලකිරි කියලා ගිය අවුරුද්දේ උන් කියනවා ``
´´ යමං එහෙනම්... හවසට මම එන්නම් උඹේ ගෙදරට... ``
´´ දවල්ට කන්න අපේ ගෙදර වරෙන් ``
ගයාන් ගේ ලොකු අක්කා ගේ කෑම එක කොහොමත් රසයි. ක්ෂිතිජ ගොඩක් වේලාවට දවල්ට එහේ ගිහින් කෑම කාලා හවස් වෙලා තමයි ගෙදර යන්නේ.
´´ හරි මචං... මම එන්නම් ``
´´ අපි එහෙනම් කැපුණා... හවසට හම්බ වෙමු... ``
**********
පංතිය පටන් ගන්නේ තුනට නිසා ක්ෂිතිජ ගයාන් එක්ක ටිකක් කලින් පිටත් උනේ පළවෙනි දවසෙ වේලාවට යන්න ඕන නිසා. ක්ෂිතිජ ට තිබුනේ ටිකක් පරණ බයිසිකලයක්. ගියර් දාන බයික් එකක් ගන්න ඕන කියලා සෑහෙන්න කාලයක් ට්‍රයි එකක් දුන්නත් ස්පෝර්ට් බයික් එක විකුණගන්න පරන ණයකාරයෙක් සෙට් කර ගන්න ක්ෂිතිජට බැරි උණා.
´´ මචං .. කට්ටිය වැඩිය නෑ වගේ නේ... ``
´´ ඒක තමයි මාත් බැලුවේ... එක කොල්ලයි ඉන්නේ... ``
´´ කෙල්ලෝ නම් යායක් ඉන්නවා බං ``
´´ උඹට පැණි කුරුල්ලා කියන්නේ නිකං නෙවෙයිනේ.... ``
´´ යමං ඇතුළට.... මෙතැන ඉදන් පේන කියන්නේ නැතුව.. ``
දෙන්නම ඇතුළට ගිහින් ක්ලාස් එකට ඇතුඑ වුණා. පංතියක් කිව්වට ඒක ගෙයක්. දිග මේසයක් දාලා දෙපැත්තට බංකු දාලා තිබුණේ.
´´ මචං මාරයි... කෙලින්ම කෙල්ලෝ ඉස්සරහ... සැප කනේ ... ``
´´ මට තේරුණේ නැහැ ක්ෂිතිජ ?``
´´ ඇයි බං.... ගල් උඩ මල් ... මල් යට පැණි.... හහ් හහ් හා ....``
´´ ආහ් මට දැණුයි තේරුණේ... වලත්තයා.... ``
´´ අපෝ උඹ බබා... අනේ පළයන් ගල් ඉබ්බෝ යන්න ``
´´ ආපු වැඩේ කර ගනින් මෙතැන... හරිද... ``
´´ හරි හරි බං... ``
ක්ලාස් එක පටන් ගත්තා. මිස් ටිකක් විතර වයසයි. හැබැයි උගන්වනවා අහන් ඉන්න මාර ආසයි. හරි ලස්සනට හිතට වදින්න කියලා දෙනවා. පංතියේ හිටියේ ඕක්කොම කොල්ලො තුන් දෙනයි. කෙල්ලෝ නම් අට දෙනෙක් විතර හිටියා. එතන හිටිය මුස්ලිම් කෙල්ල ඇරෙන්න අනිත් උන් නම් කිසි ගතියක් නෑ. ක්ෂිතිජ පංතියේ ඉන්ටවල් එකක් දෙනකං ඉදලා ගයාන් ගේ කණට ලං වුණා.
´´ මචං .. මුං ටික නම් මෙලෝ රහක් නෑ... ``
´´ ඔව් බං අර මුස්ලිම් කෙල්ල ඇරෙන්න අනිත් උන් නම් අජූතයි.. කූජිතයි... ``
´´ මූණවල් නිකං ලොරියක හැප්පිලා වගේ... හැබැයි හිතන් ඉන්නේ හරි බඩු කියලා.... ``
´´ මුස්ලිම් එක දිහා නම් බලන්න එපා... උඹේ තියෙන එකිනුත් අතිරික්තයක් තමයි ඉතුරු වෙන්නේ සම්ඡ්චේදනය කලාම.... ``
ගයාන් ගේ කථාවට ක්ෂිතිජ ට හයියෙන් හිනා ගියා. ගයාන් පටස් ගාලා කකුල පෑගුවේ පංතියේ මිස් එන සද්දේ ඇහුණු නිසා.
´´ යාඑවෝ දෙන්න මොකද හිනා වෙන්නේ... ``
´´ නෑ මිස් මොකු නෑ `` ගයාන් සිරිත් පරිදි පැනලම දුන්නා.
´´ විද්‍යාව සම්බන්ධ කාරණාවක් නෙවේ වෙන්න ඇති... ``
ක්ෂිතිජ ගයාන් කට අරින්න ඉස්සෙල්ලා අතින් ඇන්නේ කට වරද්ද ගනී කියලා බයේ. අලුත් පංතියක පළවෙනි දවසෙම චාටර් වෙන්න ඕන කමක් කිසිම කොල්ලෙකුට නෑනේ. මූට මේක තේරෙන්නෙ නෑනේ. ක්ෂිතිජ හිතින් තමන්ටම කියා ගත්තා. පංතිය ඉවර වෙලා යාඑවො දෙන්න ටවුන් එක පැත්තට ගියේ ගයාන්ට සීඩි එකක් ගන්න. ගයාන් ට ලොකු ඩී.ජේ පිස්සුවක් තිබුණු නිසා අලුත් සිංදු සීඩි එකක් ගන්න ඕන කියලා දෙන්නත් එක්කම ගියා.
**********
No comments:
Post a Comment