එකලොස් වන කොටස

ක්ෂිතිජ අද ඉස්කෝලේට ආවේ ටිකක් පරක්කු වෙලා. අලුතින් ඕලෙවල් කරන්න ඉස්කෝලෙට ආපු කොල්ලො පංති වලට එන දවස අද. ඒක නිසා කවුරුවත් ක්ෂිතිජල එනවද නැද්ද කියලා චෙක් කරන්න උත්සහ කරන්නෙ නැති බව පංතියේ හැමෝම වගේ දැනගෙන හිටියා. ක්ෂිතිජ පංතියට එනකොට ගයාන් හිටියේ මාලුපාන් එකකට වැඩේ දෙන ගමන්. මාලු පාන් එකෙන් භාගයක් කඩපු ගයාන් ඉතිරි භාගෙ ක්ෂිතිජ දිහාවට දිග් කලා.

´´ ආ.. කාපන්.. ``
´´ මචං අලුත් උන් ගොඩක් පංතියට එනවද ? ``
´´ මං හිතන්නෙ ඔව්.. එක පංතියකට හය දෙනෙක් විතර වැටෙයි ක්ෂිතිජ.. ``
´´ අලි ඔලු කාරයෝ නැත්තම් හොදයි... ``
´´ හ්ම්... ඒක ඇත්ත.. ``
´´ කෝ මචං.. මිස්ලා කවුරුවත් පේන්න නැත්තේ.. ``
´´ ආ.. එගොල්ලො හෝල් එක ඇතුලෙ අලුත් උන් එක්ක මීටිමක්... `` එතැනට ආපු ආසිරි යාලුවො දෙන්නට සෙට් උනා.
´´ මචං අලුත් උන් ආවාම පොඩි රැගක් දෙමුද .. ``  එතැනට ආපු මහීල් කියපු කථාවට ක්ෂිතිජට හිනා ගියත් ගයාන්ට නම් මල පැන්නා.
´´ ක්ෂි මචං උනුත් කොල්ලො නේ.. ජරා වැඩ කරන්න එපා.. ``
´´ හරි.. හරි බං.. මං නිකං කිව්වේ.. ක්ෂිතිජ උඹ මොකෝ කියන්නේ.. ``
´´ පොඩි රැගක් දෙමු.. නැත්තං කිසි ගතියක් නෑනේ... මාලුපාන් අරන් දෙන්න කියමු ඉන්ටවල් එකට.. ``
´´ චි මල පෙරේතයා... තොට කන්න තියෙනවා නං.. වෙන කිසිම දෙයක් ඕනෙ නෑ.. මෙලෝ රහක් නෑ බං.. `` ගයාන් එකසිය ගාණට කෑ ගහනවා.
´´ මේ ..මෙතැන තුනෙන් දෙකේ බහුතරේ තියන්නෙ රැග් එක දෙන්න ඕන කියලා.. ඒක නිසා මාලු පාන් රැග් එකක් දෙමු උන්ට.. යකෝ ..ඕන නං රුපියල් සීයක් යයි..``
´´ ඔව්.. දැන් ජෝ කාරයාගේ කඩේ පැත්තෙ යන්නත් බෑ.. අහුවුණොත් ඌ අපිව මාලුපාන් ඇතුලේ පේස්ට්‍රි හදන්න ගන්නවා.. අද දවල් කෑම එක උන්ගෙන් ෂේප් වෙමු... ``
´´ හරි.. හැබැයි අද විතරයි.. හැමදාම තියාගන්න බෑ.. ``
´´ හරි.. හරි බං.. අපෝ.. උඹ නිකං චීත්ත කෑල්ලක් වෙන්න හදනවා නේ බං.. ``
කාලය ටිකෙන් ටික ගෙවිලා යනවා. ඒත් අලුත් කොල්ලො ටික පංතිවලට එන පාටක් පෙන්න නෑ. ඉන්ටවල් එක ඉවර වෙන බෙල් එක ගැහුවත් කවුරුවත් ආවේ නැති නිසා ක්ෂිතිජලට ඉන්න උනේ බඩගින්නෙ.
´´ මදැයි අලුත් උන්ගෙන් කන්න බලන් හිටියා.. උඹලට හොඳ වැඩේ.. ``
´´ ඒක නේ බං..ෂික්.. ``
´´ මචං පොලිස් කාරයෙක් එනවා.. ``
´´ මල්ලි.. දහය බී.. පංතිය මේකද ... `` ශිෂ්‍ය නායකයා ඇහුවේ මහීල් ගෙන්.
´´ අයියට ඕනෙ නං.. දහය එස් කියලා දා ගන්න අවුලක් නෑ.. `` කවදත් ඇදගෙන කොකු දාගන්න දක්ෂ කසුන් ශිෂ්‍ය නායකයට උත්තර දුන්නා.
´´ මේ තමුසෙ පැනලා දෙන්නෙ නැතිව ඉන්නවද.. මං ඇහුවේ මුගෙන්.. මොකෝ තමුසේ මුගේ තාත්තා ද? ``
´´ නෑ.. මහප්පා.. `` කවුදෝ එකෙක් මේසයක් යට ඉදන් කෑගැහුවා.
´´ ළගදීම දරු කමට හදා ගන්නලු ඉන්නේ...... `` තව එකෙක් එහා කෙළවරෙන් කෑ ගහනවා.
තව හිටියොත් හොඳටම චාටර් වෙන බව දැන ගත්ත ශිෂ්‍ය නායක අයියා ආපහු යන්න ගියේ මොනවදෝ තමන්ටම කියාගන්න ගමන්.
වේලාව හිමීට ගෙවිලා ගියා. එක පාට අඩි සද්ද ගොඩක් ඇහෙන්න පටන් ගත්ත නිසා කට්ටියම ටිකක් විතර සයිලන්ස් වුණා.
´´ආයුබෝවන් ළමයි...`` ක්ෂිතිජලගේ සිංහල මිස් පංතියට ඇතුල් උනේ අත් දෙක එකතු කරගෙනමයි. පංතිභාර මිස්ට වඩා චන්ද්‍රිකා මිස්ට කොල්ලො ටික කැමැති උනේ මිස් හොදට සිංහල උගන්නපු නිසාම නෙවෙයි. මිස් ටිකක් තරුණ අනිත් අයට වඩා කැපිලා පේන කෙනෙක් නිසයි.
´´ අද ඉදන් මේ තුන් දෙනාත් ඔයාලාගේ පංතියේ... වෙන ඉස්කෝලෙක ඉදන් ආවට අද ඉදන් මේ අයත් ඔයාලගේම සහෝදරයෝ වගේ සලකන්න ඕන.. තේරුණද ?.. මේ අයට මොනවා හරි ඕන උනොත් .. පාඩම් තේරුණේ නැත්තම්.. ඔයාලා උදව් කරන්න ඕන.. හරිද... `` මිස් දිගටම බණ පටිය දිග ඇරලා.
´´ යකෝ මෙයා හිතං ඉන්නෙ අපි මුන්ගේ කැපකරු මා පියෝ කියලද දන්නේ නෑ.. `` රුචිරයා ක්ෂිතිජගේ කණට ලං කරලා කිව්වා.
´´ හරි.. මේ ඉන්නේ අජිත්.. මෙයා අචල.... ආ මේ පුංචි යාලුවා ආනන්ද.. `` මිස් එහෙම කියාගෙන කට්ටයව පංතියට අඳුන්නලා දුන්නා.
´´ අරුගේ කොහෙද දන්නෙ නෑ පුංචි....`` රුචිරයා ආපහු ක්ෂිතිජගේ කණට ලං කරලා එහෙම කියනකොටම මිස් ඒක දැක්කා.
´´ ක්ෂිතිජ.. රුචිර ට මොකක් හරි... ප්‍රශ්නයක්ද? ``
´´ නෑ.. මිස්....``
´´ මිස් ... රුචිර අහනවා... මෙයාලගේ උප්පැන්න සහතිකේ ගෙනත් ද කියලා.. පැටිකිරිය බලන්න....`` කසුන් කාටත් ඇහෙන්න කිව්ව කථාවට පංතියටම හිනා ගියා. අලුත් උන් ටිකත් බිම බලාගෙන ලැජ්ජාවෙන් වගේ හිනා උනා.
´´ හා.. හා.. විහිලු ඇති... ඔය ළමයි දැ ගිහිං ඉඩ තියෙන තැනකින් වාඩි වෙන්න.. මටත් පරක්කු වෙනවා... ආයුබෝවන් ළමයි.. ``
´´ ආයුබෝවන් මිස්`` කට්ටිය එක පිච්  එකටම උත්තර දුන්නා.
´´ වරෙන් මචං... අපේ සෙට් එකට.. `` ගයාන් තුන් දෙනාවම ඇදලා ගත්තා තමන්ගේ මේසේ ගාවට. මේසේ ඉඩකඩ ටිකක් අඩු උනත් කාටත් එක ලෙස සලකන පුරුද්දක් ඉස්කෝලේ කොල්ලො ගාව තිබ්බා.
´´ උඹලා කොයි ඉස්කෝල වලින්ද ? `` අකිල කට්ටයව ඉන්ටවිව් කරන්න පටන් ගත්තා.
ප්‍රශ්නෙට උත්තර දෙන්න කලින් ධනපාලයා බෙල් එක ගහපු නිසා කට්ටිය ඩියුටි මාක් කරන තැන්වලට යන්න පිටත් උනා.

**********
ලබන සතියේ (2011.08.08) රැග් දෙන්න ආපු අයියලාගේ ඉතිරි කථාව කියවන්න


Episode 11 - FLASH VERSION DOWNLOAD: 

http://www.mediafire.com/?aywq​ejtfe809dzb

(සියලු හිමිකම් ඇවිරිණි.) සම්පත් ප්‍රියදර්ශන කොඩිකාර ආරච්චිගේ-2011. උපුටා ගැනීම, පිටපත් කිරීම, ඕනෑම මාධ්‍යක නැවත පළ කිරීම, මුද්‍රණය සඳහා කරුණාකර කතෘ අමතන්න. දුර. 0773-951015

දහ වන කොටස

සතියක් පංති තහනම් කරපු නිසා ක්ෂිතිජලා ගෙවල් වල හිටියේ හරිම අමාරුවෙන්. යාලුවෝ සෙට් එකම එක බොරුවක් ගෙවල් වලට කියපු නිසා වැඩේ මාට්ටු නොවී තියා ගන්න කාටත් පු෾එවන් වුණා. කොච්චර පිස්සු නැටුවත් අන්තිමට විභාගෙ ගොඩ දාගන්න ඕන කියන හැඟීම හැමදෙනාටම තිබුණා. ක්ෂිතිජ ට්‍රැක් එකින් එළියට පනින හැම වෙලාවකම හරි පීල්ලට ක්ෂිතිජව ගෙන්න ගයාන් වෙහෙසුණා. ක්ෂිතිජට ඉස්කෝලේ ගණන් විෂය එපා වෙලා තිබුණු නිසා තමන් ගිය ගණන් පංතියට එන්න කියලා ආරාධනා කරන්න ගයාන් කල්පනා කලා.

´´ පිස්සු කෙලින්නෙ නැතුව වරෙන්, මොකෝ උඹට සෙනසුරාදා එන්න බැරි තරම් තියෙන ඔච්චර ලොකු වැඩේ ``

´´ වැඩක් නෑ බං... සෙනසුරාදා විතරයි ටිකක් වැඩිපුර නිදා ගන්න තියෙන්නේ.. උඹ ඒකත් නැති කරන්නයි ඔය හදන්නේ...``

´´ ඔය හදන්නෙ ගණන් වලට ලයිට් කණුවක් ගෙදර ගෙනියන්න තමයි.. පිස්සු නැතුව වරෙන් බං.. පියල් අයියා මාර හොඳයි.. ``

´´ අ...යි...යා.. ?``

´´ ඔව්.. පියල් අයියා.. අපි අයියා කියන්නේ පංසලේ ෆිට් එකට.. උඹට ඕන නං සර් කියපං... පොර ඔය ලොකු බෝර්ඩ් ගහගෙන ඉන්න උන්ට වඩා සිරාවට.. බොක්කට උගන් වනවා... ``

´´ හ්ම්...``

´´ දැන් කොහොමද මං උඹට සෙට් කල විද්‍යාව පංතිය.... ගින්දර නේ... ?``

´´ හ්ම්..``

´´ මොකද උඹ බකමූණා වගේ හ්ම් කියන්නේ හැමදේටම... හරි.. දැන් උඹ  ෂුවර් නේ.. සෙනසුරාදා හයයි හතලිස් පහ වෙනකොට අපේ ගෙවල් ගාවට වරෙන්... ක්ලාස් එක හරියටම හතට පටන් ගන්නවා...``

´´ හා.. `` ක්ෂිතිජ උත්තර දුන්නේ ඕනවට එපාවට වගේ. කොහොමටවත් ක්ෂිතිජට ගණන් දිරවන්නෙ නෑ. ඒත් යාලුවාගේ ආරාධනය අහක දාන්න පු෾එවන් කමක් ක්ෂිතිජට තිබුණෙ නැති නිසා අමාරුවෙන් හරි සෙනසුරාදා ගණන් පංතියට එන්න ක්ෂිතිජ තීරණය කලා.

**********

වෙනදා පශ්චාත් ගාතයට ඉර අව්ව වැටෙන කං නිදා ගන්න ක්ෂිතිජ උදේ පාන්දර පංතියකට යන්න සූදානම් වුණු එක ගැන ක්ෂිතිජගේ අම්මත් බොහොම කැමති උණා. යාලුවො දෙන්න පංතියට එන කොට කවුරුවත් පෙන්න හිටියේ නැහැ.

´´ මචෝ කොල්ලො කීයක් පංතියේ ඉන්නවද ?`` ක්ෂිතිජට අහන්න ඕන උනේ  කෙල්ලො කීයක් ඉන්නවද කියලා උණත් මුලින් මුට්ටිය දාලා බලන්න තීරණය කලේ උදේ පාන්දරම යාලුවා ගෙන් ලුණු ඇඹුල් ඇතුව අහගන්න තිබුණු අකමැත්ත හින්දයි.

´´ වැඩිය නෑ බං.. මමයි.. උඹයි.. චරිතුයි.. පියුමිකයි.. විතරයි..``

´´ චරිත් කිව්වෙ මොන චරිත්ද? බබා චරිත් ද? ``

´´ නෑ බං.. ඌ නෙවෙයි.. බතල චරිත්.. පියුමිකව උඹ දන්නවනේ .. අර මියුසික් කරන්නේ.. බෑන්ඩ් එකේ ඉන්නේ..``

´´ ආ.. හරි හරි.. මට උන් දෙන්නව මතකයි... කෙල්ලො කවුද බං ඉන්නේ... `` ක්ෂිතිජ මුට්ටිය අස් කරලා ඔලුව දැම්මා.

´´ අන්න මල්ලි වැදගත්ම ප්‍රශ්නේ. කෙල්ලො දහයක් හතක් විතර ඉන්නවා... හැබැයි.. ලක්ෂිකා දිහා බලන්න තහනම්... හරී...``

´´ හරි හරි බං.. මං දන්නවනේ උඹ එකීට ට්‍රයි කියලා.. වෙන කවුද ඉන්නේ සිරා කෑලී.. `` ක්ෂිතිජ අහපු ප්‍රශ්නෙට උත්තර දෙන්න ගයාන්ට බැරි උණේ චරිත් එතනට ආපු නිසයි.

´´ ගුඩ් මෝනිං මචං.. උඹ වලක් බහින්නද ආවේ.. නැත්තම් පංතිද ?.. ``

´´ මූ අද ඉදන් අපේ පංතියට එනවා.. `` ගයාන් යාලුවා වෙනුවෙන් උත්තර දුන්නා.

´´ ආහ්.. ඒක හොදයි... හැබැයි ඉතිං මගේ එක ලයින් කරන්න යන්න එපා.. `` ඒක අවවාදයක්ද නැත්තම් තර්ජනයක්ද කියලා තේරුම් ගන්න කලින් කථාව නවත්තන්න වුණේ ලක්ෂිකා තව කවුද අංකල් කෙනෙක් එක්ක පංතියට ආපු නිසයි.

පංතියට ආපු ලක්ෂිකා පොත් ටික ඉස්සරහම පේළියෙන් තියලා ආපහු අංකල් ගාවට දුවලා ගිහින් මොන මොනවාදෝ කියනවා ක්ෂිතිජ දැක්කා.

´´ කවුද බං ගයාන් අර රැකවල් දේවදූතයා.. `` ක්ෂිතිජ එහෙම ඇහුවේ ලක්ෂිකාගේ තාත්තාව ඔලුවෙන් පෙන්නන ගමන්.

´´ ආ.. ඒ ඒකිගේ තාත්තා බං.. ක්ලාස් යන කොට , එන කොට පස්සෙන්ම යනවා.. ``

අංකල් ලක්ෂිකාව පංතියෙන් දාලා ක්ෂිතිජලගේ ඉස්සරහින් යන්න ගියා. දිග කහපාටයි කොල පාටයි කුඩේ නිසා අංකලුත් ක්ෂිතිජලගේ ඉස්කෝලෙට මොකක් හරි සම්බන්ධයක් ඇතියි කියලා ක්ෂිතිජට හිතුණා. තව ගෑණු ළමයි හතර පස් දෙනෙක් පංතියට ආවා.

´´ දහසක් මල් මැද එකම මලයි පැතුවේ.... `` චරිත් පුංචි සිංදු කෑල්ලක් කිව්වේ ලක්ෂිකාට ඇහෙන්නද නැත්තම් වෙන කෙල්ලෙකුට ඇහෙන්නද කියලා තෝර ගන්න කලින් ගයාන් චරිත්ට අතින් ඇන්නේ පංතියේ සර් ආපු නිසා.

´´ ආයුබෝවන්`` කියලා පියල් සර් පංතිය පටන් ගත්තා.

´´ කෝ බං.. පියුමිකයා... ``

´´ ඌ හැමදාම එන්නේ ලේට් වෙලා... මොකක් හරි මගුලක් කියනවා.... ``

´´ ගයාන් අද අපිට තියන්නේ කුලක පාඩම නේද ? ආ යාලුවෙකුත් එක්කං ඇවිත් තියෙන්නෙ`` පියල් සර් ඇහුවේ ක්ෂිතිජ දිහා බලන ගමන්.

´´ ඔව් පියල් අයියේ.. අද කුලක ගැන තමයි තියෙන්නේ.. මෙයා ක්ෂිතිජ... මගෙ හොදම යාලුවා.. ``

´´ හරි.. ඔයාලා මේ රූප සටහන ඇද ගන්නකෝ.. `` කියලා සර් බෝඩ් එකේ රූපයක් අදින්න පටන් ගත්තා.
´´ ලක්ෂිකා.. පැන්සලක් තියෙනවද .. ? ``

´´ආ... මෙන්න.. `` ලක්ෂිකා පිටිපස්ස පේලිය දිහාවට හැරිලා හිනා වෙලා ගයාන්ට පැන්සල දුන්නා.

´´ තෑන්ක්ස් ``

´´ මොකද බං උඹ ගාව පැන්සලක් තියා ගෙන ඒකිගෙන් පැන්සල් ඉල්ලන්න ගියේ..``

´´ අයියෝ .. උඹට ඕව තේරෙන්නෙ නෑ බං.. පස්සෙ කියන්නං.. ``

´´ එක්ස් කියුස් මී.. සර්..``

ලස්සන පුංචි කටහඩක් ඇහුණු නිසා සේරමලා පිටිපස්ස හැරිලා බැලුවා. දැකපු දර්ශනෙන් ක්ෂිතිජ අන්දමන්ද වුණා. එදා ගයාන් ලගේ ගෙදර දැකපු ඒ පුංචි ලස්සන කෙල්ල අද පොත් මිටියකුත් තුරු෾එ කරන් හිනා වෙවී පංතිය ගාව හිටන් ඉන්නවා. ගයාන් ක්ෂිතිජට අතින් ඇන්නා.

´´ මොකෝ බං.. අනින්නේ.. ``

´´ යකෝ.. උඹේ කට වහ ගනින්.. බ්‍රේක් නැති මැස්සෙක් ආවොතින් කෙලින්ම ආමාෂයට ගිහිල්ලයි නවතින්නේ.. ලෙඩේ හොයා ගන්නත් බැරි වෙනවා.. ``

ඒ කථාව ඇහුණු ලක්ෂිකාට කට කොණින් හිනා ගියා.

´´ ආ.. ඔයා එන්න ඇතුළට`` පියල් සර් සුපුරුදු ලෙන්ගතුකමින් අලුත් සාමාජිකාවත් පංතියට පිළිගත්තා. ලක්ෂිකා අලුත් මිතුරිය තමන්ගේ බංකුවෙන්ම වාඩි කරගත් නිසා ක්ෂිතිජට හිතුණා ලක්ෂිකාත් තමන්ගේ සිහින කුමරියත් හොද යාලුවෝ වෙන්න ඇති කියලා.

´´ ඔය දුවගේ නම මොකක්ද ?``

´´ සර්.. මං.. ස.... යු..... රි... `` ඒ නම කන් දෙක ඇතුලෙන් ගිහින් පපුවටම කිදා බහිනවා වගේ ක්ෂිතිජට දැනුනා.

සයුරි  පංතියට ආපු වෙලාවේ ඉදන් ක්ෂිතිජගේ ඔලුව ගණන් වලට වැඩ කලේ නැහැ. ඒක ගයාන්ට හොදට තේරුණා.

´´ මේ එදා අර බත් සීන් එකට උඹ චාටර් වෙච්ච කෙල්ල නේද ? ``

´´ හ්ම්.. ``

´´ එදා චාටර් වුණා වගේ අද මෙතැන චාටර් වෙන්න එපා.. පළවෙනි දවසෙම... ``

´´ මට මචං මේකි දැක්කම මොනවදෝ වෙනවා බං.. ``

´´ අපෝ බං... මූ ෆස්ට් ඩේ එකේම යාලුවෙලා.. කසාද බැඳලා.. හනිමුන් එකටත් ගිහින් නේ.. `` චරිත් එහෙම කියන කොට ක්ෂිතිජට හිනා ගියත් ගයාන් මල පැනපු මූඩ් එකක් දා ගෙන හිටියා.

´´ වැඩේ අල කර ගන්නෙ නැතුව හිටපං.. මං පස්සෙ සපෝර්ට් එකක් දෙන්නම්.. `` ගයාන් ක්ෂිතිජගේ කණට ලං කරලා කිව්වා.

´´ එළ කිරි මචං``

පැය දෙකකින් විතර ගණන් පංතිය ඉවර වුණා.

´´ ලක්ෂිකා.. ලක්ෂිකා.. මෙන්න පැන්සල... තෑන්ක්ස්... දහම් පාසල් විභාගේ ලබන සතියෙද.. නැත්තම් ඊළග සතියෙද .. ``

´´ ලබන සතියෙ ගයාන්.. ඔයා ලෑස්තිද.. ``

´´ තාම නෑ.. අලුත් යාලුවා දැකලා පුරුදුයි... අපේ අක්කාව අදුරනවා මං හිතන්නේ.. ``

´´ ඔව් ඔව්.. ඔයාලාගේ අක්කලා එක්ක තමයි ගයිඩින් කරන්නේ.. මේ ඔයාගේ යාලුවෙක් ද ?``

´´ මේ ක්ෂිතිජ``

´´ හෙලෝ.. ``

´´ හෙලෝ ලක්ෂිකා``

´´ අපි එහෙනම් යන්නම් ලක්ෂිකා.. බායි.. ``

´´ ඕකේ... බායි.... ``

ලක්ෂිකා කෙල්ලො සෙට් එකත් එක්ක පංතියෙන් එළියට පිට උණා.

´´ තෑන්ක්ස් මචං.. ``

´´ ඒකනේ කිව්වේ චාටර් වෙන්නෙ නැතුව හිටපං කියලා.. සපෝර්ට් එකක් දෙන්නම් කියලා.. ``

´´ තෑන්ක්ස් මචෝ.. ``

´´ ඒවා හරියන්නේ නෑ .. අද උඹ ගානේ යන ගමන් බේකරියට අල්ලන්න  ඕන... ``

´´ අපෝ හරි බං.. උඹට ගල් බනිසක් අරන් දෙන්නම්..``

යාලුවෝ දෙන්නා පංතියෙන් එළියට එනකොට පියුමිකයා පංතියෙ එළියෙ ඉන්නවා.

´´ මොකෝ බං පංති ආවේ නැත්තේ ? ``

´´ බෑන්ඩ් ප්‍රැක්ට්‍රිස් වලට අහුවුණා බං.. ක්ෂිතිජ .. කොහොමද ? පංතියට සෙට් උනාද ? ``

´´ ඔව් බං.. ``

´´ ඕකේ මචං අපි කැපුණා.. ලබන සතියේ ඉදන් වරෙන් පංති කට් කරන්නෙ නැතුව... ``

´´ හරි හරි මං පියල් අයියව හම්බුවෙලා එන්නම්.. ``

යාලුවො දෙන්නා පියුමික පංතිය ඇතුළට යනකං බලන් ඉදලා ආපහු යන්න පිටත් උණා.

**********

ලබන සතියේ (2011.08.01) රැග් දෙන්න ආපු අයියලා කියවන්න

(සියලු හිමිකම් ඇවිරිණි.) සම්පත් ප්‍රියදර්ශන කොඩිකාර ආරච්චිගේ-2011. උපුටා ගැනීම, පිටපත් කිරීම, ඕනෑම මාධ්‍යක නැවත පළ කිරීම, මුද්‍රණය සඳහා කරුණාකර කතෘ අමතන්න. දුර. 0773-951015

FLASH VERSION DOWNLOAD: http://www.mediafire.com/?u37lq80656fdefk

නව වෙනි කොටස

ඉස්කෝලේ ගේට්ටුව ගාවට ආපු ක්ෂිතිජ  ටිකක් නැවතිලා හිටියේ යාලුවෝ සෙට් එක එනකං. වෙච්ච වැඩේ ගැන ෆුල්ම අප්සට් එක උනේ ඉස්කෝලේ නොගිහින් සතියක් ගෙදර නවතින විදියක් ගැන කල්පනා කරන්න ඕන වුණු හින්දයි. ක්ෂිතිජගේ අම්මා එච්චර අප්සට් එකක් නැති උණත් තාත්තා ටිකක් විතර නීතිකාරයා නිසා මතුවට ඇතිවිය හැකි ප්‍රශ්න ගැන පුංචි බයක් ක්ෂිතිජගේ හිත ඇතුලෙන් කාන්දු වෙන්න පටන් ගත්තා. යාලුවො සෙට් එක නං ළඟට ආවේ හිනා වෙවී.

´´ මස්සිනා මොකද .. නිකං බය වෙලා වගේ... ``

´´ බය වෙලාදත් කියලා අහනවා.. ගෙදරට මොකද කියන්නේ ... ``

´´ උඹට විතරක් නෙවී නේ ඕක උනේ.. අපි ඕක්කෝන්ටම නේ.. ``

අකිල එහෙම කිව්වෙ ක්ෂිතිජව සනසන අදහසින්.

´´ හරි කියහං.. දැන් මොකක් කියලද ගෙවල් වලට කියන්නේ ?``

´´  මචං නව අදහස් එන්න නං.. මොනවා හරි කන්න ඕන.. නැත්තන් ඔලුවේ පිස්ටන් වැඩ කරන්නෙ නෑ... `` ආසිරි එහෙම කිව්වෙ බොරුවටම නෙමෙයි කියලා යාලුවො හැමෝන්ටම තේරුණා.

´´ මටත් බඩගිනියි බං.. උදේට කාපුවා අරූගේ දේශනය අහපු ගමන් වාෂ්ප වෙලා ගියා.. ``

´´ ඒක තමයි .. උඹෙන් පිටවුණු වාෂ්පෙ සුවඳ මට හොදට දැණුනා.. මම  උඹේ පිටිපස්සෙ නේ හිටියේ `` ගයාන් එහෙම කියන කොට ක්ෂිතිජගේ මූණ ඇඹුල් වෙලා ගියා.

´´ කාපුවා දිරවා ගන්න බැරි වෙලා ඉන්න කොට උඹලා තව අඹරන්නත් කථා කරනවා.. `` රුචිර උත්තර දුන්නේ තරමක් තරහින්.

´´ යකෝ කන එක තමයි මිනිහෙකුට තියෙන පරම ලාභෙ... ඕචචරයි බං මිනිහෙක්ට ඉතිරි වෙන්නෙ... බලහං අපේ කැන්ටිමේ අංකල්කාරයා දිහා.. ඌ කන බොන එකෙක් කියලා ඇගේ හැටියෙන්ම පේනවා.. උඹලා දැක්කම සෝමාලියාවේ නටඹුන් වගේ.. මොකක්ද බං..`` සහන් කිව්ව කථාවට හිනා නොවී හිටියේ රුචිර විතරයි.

´´ උඹෙත් ඔය ඔරොප්පු මූඩ් එක තියලා යමං ජෝ කාරයාගේ කඩේට... කැන්ටින් එකට යන්නත් දැන් බෑනේ... `` සාහීර් එහෙම කියන ගමන් ඉස්සර උණා.

´´ යමල්ලා බං... අපායටත් කලින් යන්න ඕන ලූ.. `` ආසිරි එහෙම කිව්වෙ කට්ටියව ටිකක් උනන්දු කරවන්න.

ජෝ අංකල්ගේ කඩේ තිබුණේ ඉස්කෝලේ ඉස්සරහමයි. ජෝ අංකල් කියන්නේ අවුරුදු පනහක් විතර වෙන තරුණයෙක්. පොර කඩේට එන කොල්ලොත් එක්ක හැමදාම තර්ක කරන්නෙ කසාද බැන්ඳපු නැති ඕන එකෙක් හැමදාම තරුණයෙක් කියලා.

´´ මොනවද කන්නේ.. `` ගයාන් ඇහුවේ බරාස් ගා ගෙන පුටුවක් ඇදලා ගන්න ගමන්.

´´ මට මාලු පාන්.. උඹලා... ``

´´ අංකල් අද කිඹුලා නැද්ද ? ``

´´ කිඹුලා අද කුණු ඇලේ ලු සාහීර්.. `` ආසිරි සාහීර් කාරයාව නග්ගන්න ෆුල් ට්‍රයි එක.

´´ කිඹුල් බනිස් නෑ... මාලු පාන්.. බිත්තර පාන්... ප්ලෙන් බනිස් විතරයි තියන්නේ... ගේන්න ද... ``

´´ ගේන්න ගේන්න අංකල් ... උගුරෙන් පහළට යන ඕන දෙයක් අපි කනවා... ෆුල් සාගතෙන් ඉන්නේ.. ``

ජෝ අංකල් වැඩිය කොල්ලො එක්ක බජනේ තියා ගන්නෙ නැත්තෙ  එහෙම උනොත් අංකල් ගේ බිස්නස් වලට පාඩු වෙන හින්දයි.

´´ දැන් ජෝ... අංකල්.. අංකල්ගේ වයස කීයක් විතර ඇතිද ? `` කසුන් අංකල් ව නග්ගන්න හිතාගෙන ඇහුවා.

´´ ඇයි උප්පැන්න සහතිකේ ලියලා දෙන්නද ? `` අංකල් කාරයට පලවෙනි ප්‍රශ්නෙන්ම මල පූට්ටු වෙලා.

ක්ෂිතිජ මාලුපාන් ගෙඩියක් කට ඇතුළට ඔබා ගන්න ගමන් කසුන් දිහා හැරිලා ඔලුව වැනුවේ ආපු වැඩේ කරගන්න ඕන නිසයි.

´´ මචං ෂේප් එකේ උඩ බලපං.. `` ගයාන් ක්ෂිතිජගේ කණට ලං කරලා කිව්වා.

කෑම ණයට දෙනු නොලැබේ. ණයට දීමෙන් මුදලත් මිතුරාත් දෙකම අහිමි වේ.

පොල්ගෙඩි අකුරෙන් කඩේ උඩ ගහලා තියෙනවා.

´´ දැන් ෂේප් එකේ... කැෂියර් කූඩුව පහළ බලපං.. ``

වැඩිවුණු පිටි මිළ නිසා ආහාර වර්ග කිහිපයක මිල ඉහළ දැමීමට සිදුවූ බව කාරුණාවෙන් සලකන්න.

´´ මචං.. උඹ ගාව සල්ලි කීයක් තියෙනවද ? `` ක්ෂිතිජ ගයාන්ට ලං වෙලා ඇහුවා.

´´ මං අද පර්ස් එක ගෙනාවේ නෑ බං.. උඹ ගාව කීයක් තියෙනවද ? ``

´´ රුපියල් විස්සක් විතර තියෙනවා.. අරුන් ගාව තියෙනවද දන්නෙ නෑ... ``

´´ අංකල් තව මාලු පාන් ගේනවද ? `` සහන් ජෝ අංකල් ගෙන් තව මාලු පාන් ඉල්ලනවා.

´´ ෂුවර් එකට උන් ගාව ඇති බං... අපි කලබල නොවී ඉමු...``

´´ ඔය ළමයි කාලා ඉවරෙයි.. ටී ද ප්ලේන් ටී ද බොන්නේ ... ``

´´ මට ටී.. උඹට... ``

´´ මට ප්ලේන් ටී.. ක්ෂිතිජට ටී එකක් .. මූ ඉතිං ගැස්ට්‍රික් කාරයා නේ අංකල් ... ``

´´ අපි නං තව කනවා... උඹලා ගේ බොක්කවල් පොඩි වැඩියි බං..``

´´ කාපං.. කාපං.. අපි අල්ල ගත්තායැ``

´´ ඒක නෙවේ අංකල්... මොකක්ද මේ මිල සංශෝධන පණත.. `` ආසිරි දැන් තමයි අංකල්ගේ මේසේ අලවලා තියෙන දැන්වීම දැකලා තියෙන්නෙ...

´´ පිටි මිල වැඩි වුණානේ පුතා... දැන් පරණ ගානට කෑම දෙන්න බෑ... බේකරියෙන් අපිට දාන්නෙත් පරණ විකුණපු ගානට.. ``

´´ ආ.. ඇත්තද අංකල්.. එතකොට කීයක් විතර වෙනවද.... මේ.. මාලු පාන්... එක... `` ආසිරි යා ඇගට පතට නොදැනී අංකල් කාරයාගෙන් අහගන්නවා.

´´ ආ.. මාලුපාන් එකක් රු. විස්සයි.. බිත්තර පාන් එක විසිපහයි.. මොකද බිත්තර ගණන් ගියානේ... ``

අංකල් එහෙම කියාගෙන කඩේ ඇතුළට ගියේ අනිත් උන්ට තේ හදන්න. ක්ෂිතිජයි ගයානුයි මුණට මූණ බලා ගත්තේ ඉස්කෝලේ කැන්ටිමේ ගාණට වඩා ඩබල් මේ යකා ගාන වැඩි කරලා තියෙන හින්දයි.

´´ වි.. ස්... ස.. යි.. `` ආසිරියගේ මාලු පාන් එක බාගෙට කට මැද හිර උණා. සහන් එක පාරට සාහීර් දිහාට හැරුණා.

´´ සාහීර් උඹ ගාව කීයක් තියෙනවද ? ``

´´ පනහක් තියෙනවා.. කසුන් ගාව... ?``

´´ මං අද අකිලයත් එක්ක ස්කූල් වෑන් එකේ ආවේ බං... සල්ලි ගෙනාවේ නෑ.. ``

´´ හුටා.. `` ආසිරි එහෙම කිව්ව නෙවෙයි ඉබේටම කියවුණා.

´´ උඹලා දෙන්න ගාව කීයද ? `` සහන් ගයාන් ගෙන් එහෙම අහන කොටම අංකල් කාරයා තේ අරන් ආවා. ක්ෂිතිජ හස්ත මුද්‍රාවකින් විස්සයි කියන පණීවිඩේ දුන්නා.

කට්ටයම වචනයක්වත් කථා නොකර තේ බොන්න පටන් ගත්තා.

´´ ඉස්කෝලේ වෙලාවට කඩවල් ගානේ යනවට සර්ලා බනින්නෙ නැද්ද ඔය ළමයිට... ?``

´´ නෑ අංකල් අදඅ පි ෂෝර්ට් ලීව් දාලා ඉන්නේ...  `` ගයාන් අංකල්ට උත්තර දැන්නා.

´´ ඒක නෙවෙයි මචං .. දැන් අපි ගෙවල් වලට මොකද කියන්නේ. තේ උගුරක් කටට ගන්න ගමන් කසුන් ඇහුවේ අකිලගෙන්.

´´ අපි කියමු ඉස්කොලේ ස්පෝර්ට් මීට් නිසා... අපි මේ සතියේ ඉස්කෝලේ යන්නෙ නෑ.. කියලා.. `` රුචිරයා ට ගණ දෙවි නුවණ පහළ වෙලා.

´´ හරි බං... ඒත් ඒක ඇත්තටම තියෙන කාලෙට අපි මොකද කියන්නෙ... `` සාහිර් වේලාවකට ප්‍රශ්න පත්තරයක්.

´´ ඒක ඒ වේලාවට බලා ගනිං.. යකෝ මූදට හත් ගොව්වක් තියාගෙන අමුඩ ගහන්න එපා... `` ආසිරියට මල පැනලා.

´´ අංකල්.. අපේ ගාන කීයද ? `` ක්ෂිතිජට දැන් ඕක්කෝන්ටම වඩා ප්‍රශ්නේ උනේ ඒක.

´´ ආ... තේ වලටයි.. බනිස් වලටයි... ඕක්කොම දෙසිය විසි තුනයි..``

´´ ආ... ඇත්තද... අං..කල්...`` ක්ෂිතිජ ගයාන්ගේ මූණ බැලුවා.

´´ හරි.. හරි.. කට්ටිය ගාව තියෙන සල්ලි එවන්න... මම මදි හරිය දාන්නං...`` සහන් කිසි  ගාණක් නැතිව කියනවා.

´´ අපෝ ඇති...  යාතං... උගෙ ගාව සල්ලි ඇති... `` ක්ෂිතිජ ගයාන්ගේ කණට කෙඳුරුවා.

´´ හ්ම්.. ``

කොල්ලො ටික එක එකා සහන් ගාවට සල්ලි එව්වා.

´´ ආ... මෙතැන එකසිය දහයයි නේ තියෙන්නෙ... අංකල් පන්සීයක් මාරු කරන්න තියෙනද... `` සහන් අංකල් කාරයා ගෙන් ක්වේෂ්චන් කරා.

´´ අයියෝ පුතා.. දැන් නේ කඩේ ඇරියේ.. ඔයාලා නේ මුලින්ම ආවේ ලාච්චුවේ නෑ... ``

´´ ආ.. අවුලක් නෑ.. මම ඉස්කෝලේ ඕ.බී. ඔෆිස් එකින් මාරු කරන් එන්නම්... උඹලා මම එනකං ඔහොම හිටපල්ලා.. ``

´´ ඉක්මනට වරෙන් එකේ ඉන්න අක්කාට ලයින් පාර දාන්නෙ නැතුව ``

´´ හරි හරි බං.. ``

සහන් එහෙම කියා ගෙන යන්න ගියා. කඩේට කොන්වන්ට් එකේ මිස්ලා වගයක් තේ බොන්න ආපු නිසා අංකල් බොහොම ෂේප් එකේ කොල්ලො දිහා බැලුවා.

´´ පුතාලා අනේ තරහා නැතිව පොඩ්ඩක් ඉඩ දෙනවද .. මේ මිස්ලට.. තේ බොන්න... ``

´´ ආ... හරි... හරි අංකල් .. කිසි අවුලක් නෑ... එන්න.. මිස්.. එන්න.. වාඩි වෙන්න... අපි තේ බීලා ඉවරයි..``
රුචිරයා ට කොන්වන්ට් එකේ කෙල්ලො විතරක් නෙවෙයි, මිස්ලාට උණත් පැනලාම දෙනවා.

කට්ටයම කඩේ ඉස්සරහට ගිහින් හිටගත්තා.

´´ කෝ බං.. මූ.. සල්ලි මාරු කර ගන්නවද.. සල්ලි පැල කරනවද  ? `` ක්ෂිතිජ කිව්වේ නොරිස්සිලෙන්.

අංකල් කාරයාත් කොල්ලො සෙට් එක දිහා රබර් ඇහැ දාගෙන බලන් ඉන්නේ.

´´ අන්න ඌ අත වනනවා... `` කසුන් දැක්කා සහන් දුර ඉදන් කට්ටියට අත වනවා.

´´ උඹ ගිහින් බලපං මොකද කියලා... `` ගයාන් කසුන්ටම කිව්වා.

´´ ඔය ළමයි යන තැනක සල්ලි දීලා යන්න.. `` අංකල් කඩේ ඇතුළේ ඉදන් බර බරේ දානවා.

´´ අයියෝ අංකල් .. එක්කෙනයි යන්නේ... අපි ඉන්නවා... ``

කසුන් සහන්ගේ දිහාවට දුවලා ගියා. දෙන්න මොනවාදෝ කථා කරනවා. ක්ෂිතිජ දැක්කා කසුන් ඔලුවට අත තියාගන්නවා. කසුන්  ඉක්මන් ගමනින් කට්ටිය දිහාවට එනවා.

´´ මචං එනපොට හොඳ නෑ වගේ... `` ගයාන් ක්ෂිතිජට ලං වෙලා කිව්වා.

කසුන් කඩේ ගාවට මිටර් දහයක් විතර මෙහායින් නැවතුණා.

මොකෝ කියලා ආසිරි ඇහුවේ කසුන්ගෙන් ඔලුවෙන්.

´´ දු....ව.....පා.....ං.................................... `` කසුන් එක පාරටම බෙරිහන් දීලා කෑගැහුවා.

පොලිස්කාරයෙක්ගේ විසිල් එකට අරින ප්‍රයිවට් බස්කාරයෝ වගේ කොල්ලො ටික එක පිම්මට ඔලුව හැරුණ හැරුණ අතේ දුවන්න පටන් ගත්තා.

´´ යකෝ... වේ**.... ගේ පුතාලා ටික...සල්ලි ගෙවලා පලයල්ලා...`` අංකල් කඩේ ඉස්සරහට දුවගෙන එනගමන් කෑගැහුවා. ඒත් ඒ වෙනකොට කොල්ලො ටික පාරේ පේන්නවත් හිටියේ නෑ...

**********
ලබන සතියේ (2011.07.25) අලුත් ගණන් පංතිය කියවන්න.


FLASH VERSION DOWNLOAD - http://www.mediafire.com/file/fdmet4hd3zc6bl9/Sitha%20Gawa%20Oba%20Inna_2011.07.18.swf

අට වන කොටස

ක්ෂිතිජලගේ ගෙදරට ගිහින් එදා දවසේ බේරෙන්න පු෾එවන් වුණත්, සම්පූර්ණ විස්තරය පත්තරේ දැම්මා වගේ ඉස්කෝලෙට ආරංචි වෙලා තිබුණා. පහුවෙනිදා ඉස්කෝලේට ගිය කොල්ලො ටික දිහා මිස් ලා සර් ලා බැලුවේ හරියට පිට් පොකට්කාරයෝ ටිකක් දිහා බලන ගානට.

´´ මචං මොකක් හරි අවුලක් තියෙනවා...`` ක්ෂිතිජ සාහිර් ගේ කණට ලං කරලා කිව්වා.

´´ ඔව් බං.. බඩු සෙට් වෙලා ද, දන්නෙ නෑ...`` ගයානුත් කිව්වේ වෙනදා නැති අමුත්තක් ඉස්කෝලේ පුරාවටම තියෙනවා දැක්ක නිසයි.

´´ පංතියේ කොල්ලොත් අඩුයි... ``

´´ හ්ම්...``

ඈත කොරිඩෝ එක දිගේ ඉස්කෝලේ පියන් ධනපාල ඇවිදගෙන එනවා සාහිර් දැක්කා.
´´ ඒයි.. ධනේ.. ගුඩ් මෝනිං.. ``

´´ මොන ගුඩ් ද ? අන්න කට්ටියටම ප්‍රින්සිපල් සර්ගේ ඔෆිස් එකට එන්න කිව්වා...`` ධනපාල ප්‍රශ්නේ අහන්නත් කලින් උත්තරේ දුන්නා. කථාව ඇහුව විතරයි සාහිර්ගේ මුහුණ කලු වෙලා යනවා ක්ෂිතිජ දැක්කා.

´´ ඕවා ගනං ගන්න එපා බං.. මේ හූණා.. ``

´´ හික්... මොන හූනෙක් ද බං`` ගයාන් පොඩි කිංඩියක් දැම්මා ක්ෂිතිජට.

´´ යකෝ.. මේ හූණා කියන්නේ හින්දි බාසාවෙන්, මම ඉන්නවනේ කියන එකට... මැට්ටා.. ``

´´ යමං කෝ ඔෆිස් එකට, ගියාට පස්සේ උඹට හින්දි විතරක් නෙවෙයි.. සංස්කෘතත් පු෾එවන් වෙයි...`` ගයාන් එහෙම කිව්වෙ හිනා වෙවී.

යාලුවො තුන් දෙනා ඔෆිස් එක ගාවට යන කොට කොල්ලො පනහක් විතර එතැන පිරිලා හිටියා. පංති හයේම කොල්ලො එතැනට ගෙන්වන්න ධනපාල අඩුවක් නැතුව කටයුතු කරලා තිබුණා. නිරංජන්, කසුන්, අකිල විතරක් නෙවෙයි මේ කිසි දේකට සහභාගි වුණු නැති රුචිර, තීක්ෂණ පවා එතැන හිටියා.

´´ අද  මං ඉවරයි... මචං.. `` සාහීර් කිව්වේ ගැහි ගැහී.

´´ බය නොවී හිටහං... අපිත් ඉන්නවා`` ඇන්ජිත් අස්සෙන් ඔලුව දාලා කිව්වා.

´´ මාව ඉස්කෝලෙන් අස් කරයි ද දන්නෙ නෑ``

´´ යකෝ මේක ප්‍රජාත්‍රන්තවාදී... සමාජවාදී.. රටක්.. ඕන එකෙකුට කන්න නිදහස තියෙනවා.. ටිකක් ඉවසපං.. අපි මේකෙ මාක්ස්වාදී රාජ්‍යයක් බිහි කරන කං.. `` ඈතින් හිටපු ආසිරි උගේ සමාජවාදී  දර්ශනේ ගැන දේශනාවක් පටන් ගත්තා.

´´ අනේ මේ.. මගුල් මාක්ස්වාදී රාජ්‍යය... බඩජාරිකමට කාලා කාලා දැන් මෙතැන තොම්සන්ගෙන් කන්න අපිවත් ඇදගෙන ඇවිල්ලා.. තව රෙද්දක් කථා කරනවා..`` රුචිරයට මළ පැනලා.

ප්‍රින්සිපල් සර්ට ඉස්කෝලේ ගුරුවරු ටික ´´ පිනා`` කියලා කිව්වත් කොල්ලො අතර ප්‍රසිද්ධ වෙලා තිබුණූ කාඩ් එක ´´ තොම්සන් ඇන් තොම්සන් `` කියලා. මොකද ප්‍රින්සිපල් සර්ගේ මූණත්, උඩ රැවුලත් හරියට ටින් ටින් කථාවේ තොම්සන්ලගේ වගේ උණ නිසා.

´´ අද වගේ දවසක බොබ්මාලේ හිටියා නං මේ සමාජ අසාධාරණයට විරුද්ධවත් ෂුවර් එකටම සිංදුවක් හදනවා... `` අකිල සුපුරුදු පරිදි බොබ්මාලේ වන්දනාව පටන් ගත්තා.

´´ අනේ උඹයි.. උඹේ බොබ්මාලෙයි.. `` කසුන් අකිලගේ කණට ෆ්‍රෙන්ඩ් ෂොට් එකක් දෙන ගමන් කිව්වා.

´´ ආං.... කට්ටියටම බාස්කට් බෝල් පිට්ටනියට ගිහින් පේළි ගැහෙන්න කිව්වා.. `` ධනපාල කියාගෙන මාරු උණා.

´´  මොන වදයක්ද බං.. මේ.. මේ යකා අපිව චාටර් කරනවාද කොහෙද ?``

´´ බලමුකෝ..``

කොල්ලො සේරම බාස්කට් බෝල් පිට්ටනියට ගිහින් එක පෙළට හිට ගත්තා. ප්‍රින්සිපල් සර් ආවේ , කසිප්පුවත්, මස්වැද්දත් එක්ක ගෙනමයි. එදා ආපු ශිෂ්‍ය නායකයෝ දෙතුන් දෙනෙකුත් පිටිපස්සෙන් හිටියා.

´´ මේක ඉස්කෝලයක්ද.. නැත්තම් හරක් මඩුවක්ද...`` ප්‍රින්සිපල් සර් අහන්න පටන් ගත්තා.

´´ ඉස්කෝලයක් ...සර්...`` රුචිරයාට බයටම කියවුණා. කසුන් ක්ෂණිකයකින් රුචිර දිහා රවලා බැලුවේ උගේ කටින් සේරම එළිවෙයි කියලා හිතපු හින්දයි.

´´ එක එකාට ඕන වෙලාවට මෙහෙට එන්නයි.. ඕන වේලාවට යන්නයි.. තාප්පෙන් පැනලා.. දානේ කන්නයි.. තමුසෙලාට විලි ලැජ්ජාක් නැද්ද අයිසේ..``

´´ ඒයි මචං.. මූ දන්නේ නෑ අපේ ලැජ්ජා නහරේ කපලයි තියෙන්නෙ කියලා...`` ඇන්ජි ක්ෂිතිජගේ කණට ලං කරලා කිව්වා.

´´ නෑ බං.. ලැජ්ජ.. ** ගාලා...`` ක්ෂිතිජ දුන්නු උත්තරේට පේලියටම හිනා ගියා.

´´ තමුසෙලා මොකද හිනා වෙන්නේ.. මල පෙරේතයෝ වගේ වැඩ කරලා තව හිනා වෙන්නත් එනවා... හ්ම් කියමු බලන්න... කවුද මේක ඉස්කෝලෙට ගෙනාපු එකා... කවුද කිව්වෙ දානේ කන්න යමුයි.. කියලා.. කියනවා බලන්න..``

කසුන් එකපාරටම රුචිර දිහා බැලුවේ පොර පැනලා උත්තරයක් දෙන්න ගියපු නිසයි.

´´ ද..න්..නෙ.. නෑ.. ස.. ර්..``

´´ සර් මුං තොත්ත බබාලා නේ.. දන්නේ නැත්තේ.. `` මස්වැද්දා කට්ටිය දිහා රව රව බලනවා.

´´ ඔය ළමයි..මෙහෙට ටිකක් එන්න... `` ප්‍රින්සිපල් එහෙම කිව්වේ ශිෂ්‍ය නායකයින් දිහාවට හැරිලා.

´´ ඔය ළමයි පෙන්නන්න.. ඒ වේලාවේ මුස්ලිම් පල්ලියේ හිටපු එකෙක්ව...``

´´ සර් මෙන්න මෙයා.. එතැන හිටියා.. `` එක ශිෂ්‍ය නායකයෙක් වරුණ දිහාවට අත දිග් කරලා කිව්වා. වරුණ කියන්නෙ අහිංසකයෙක් කියලයි කොල්ලො අතර ප්‍රසිද්ධ වෙලා තිබුණේ.

´´ හ්ම්.. තමුන් කියනවා බලන්න... කවුද තමුන්ව එතැනට එක්කගෙන ගියේ..``

වරුණ එක වචනයක්වත් කථා නොකර බිම බලාගෙන හිටියා.

´´ නම කියනවද ? ගුටි කනවද ? ``

´´ මතක නෑ සර්...`` වරුණ බොහොම බයාදු විදියට උත්තර දුන්නා.

´´ මතක නෑනේ .. මතක් වෙන්න බෙහෙතක් මං ගාව තියෙනවා..`` මෙන්ඩිස් සර් එහෙම කියාගෙන ළගට ආවේ වේවැල් දෙකක් එකට එකතු කරලා හදපු ලොකු වේවැල අතට අරගෙන.

´´ අත අල්ලනවා... ``

වරුණ හිමීට අත ඇල්ලුවා.

චටාස්... චටාස්.. හෙණ හඩ නංවමින් මෙන්ඩිස් සර්ගේ වේවැලේ ශබ්දය බාස්කට් බෝල් පිට්ටනිය දෙවනත් කලා. ඇස් දෙකේ කදු෾එ කැට පුරෝගෙන වරුණ යාලුවෝ සෙට් එක දිහා බැලුවා.

´´ හ්ම්... දැන් කියනවා.. කවුද කියලා... නම මතක් වෙන්න ඇතිනේ.. ``

වරුණ දෙපැත්තට ඔලුව වනලා නෑ කිව්වා.

මෙන්ඩිස් සර් ඊළගට හැරුණේ පේළියේ මුලින්ම හිටපු නිශාන් දිහාවට. චටාස්.. චටාස් එක දිගට පේළිය පුරාවටම වේවැල් සද්දේ ඇහෙන්න පටන් ගත්තා. සාහිර් බය වැඩිකමට ක්ෂිතිජගේ අතින් අල්ල ගත්තා. ඒ අත මල මිනියක් වගේ සීතල වෙලා තිබුණා.

´´ කෝ කෝ අත අල්ලනවා.. නැත්තම් නම කියනවා...``

චටාස් ... සාහිර්ට පළවෙනි වේවැල් පාර වදිද්දිම ඇඹරිලා ගියා. ඊළගට හිටියේ ක්ෂිතිජ.. හිතට ධෛර්ය අරන් අත දිග් කලත් පළවෙනි වේවැල් පාරේ සැරට අත ඉබේම නැමුණා. නැමුණු අතට ගහන්නෙ නැතිව ඊළග වේවැල් පාර වැදුනේ ක්ෂිතිජගේ කකුලට. දණ හිසට උඩින් වැදුණු ඒ පාර අධික වේදනාවක් ගෙන දුන්නා. කොහොමෙන් කොහොම හරි මු෾එ පේලියම ගුටි කෑවා.

´´ කවුද තමුසෙලාව.. දානෙ කන්න ගෙනිච්ච එකා... `` ප්‍රින්සිපල් සර් දැඩි ස්වරයකින් එහෙම ඇහුවත් කවුරුවත් ඒකට උත්තරයක් දුන්නේ නෑ.

´´ හරි එහෙනම් තමුසෙලා සේරගෙම පංති තහනම් සතියක් යනකං... දැන් ගෙවල් වල යනවලා.. `` ප්‍රින්සිපල් අවසන් තීන්දුව ප්‍රකාශයට පත් කලා.

´´ කුම්බලා කෑවා නං විදවාපං බළලෝ... `` කිව්වලු ගයාන් ක්ෂිතිජගේ කණට ලං කරලා කිව්වා.

**********

ලබන සතියේ (2011.07.18) ජෝ අංකල් ගේ කඩේ ඇතුලේ වෙච්ච දේ කියවන්න.

PDF Version:  http://www.mediafire.com/file/ntofb5tfhw75bdt/sitha%20gawa%20oba%20inna%202011_07_11.pdf

හත් වන කොටස

´´ ඇයි මචං... `` ක්ෂිතිජ කසුන් ගෙන් ඇහුවේ දුවන ගමන්.
´´ පොලිස් කාරයින්ට ඉව වැටිලා .. පංති චෙක් කරනවාලු.. `` කසුන් හති දම දම බොහොම අමාරුවෙන් කිව්වා.
´´ අප්පට සිරි.. කෙල වෙයිද දන්නෙ නෑ ``
´´ ගුටි කෑවත් මොකද බං... බත් කාලා``
ක්ෂිතිජලගේ ඉස්කෝලේ ගාව ඉඳන් මුස්ලිම් පල්ලියට තිබුණේ මීටර් දෙසීයක වගේ දුරක්. ඉස්කොලේ ගාවින්ම වැටිලා තිබුණු පාර දිගේ කෙලින්ම ගිහින් කුණු ඇලෙන් එගොඩ වුණාම මුස්ලිම් පල්ලිය හොඳට පේනවා. ක්ෂිතිජ යන කොට අනිත් උන් පාරේ හැමතැනම සෙට් වෙලා හිටියා. දුර ඉඳන් ගයාන් ක්ෂිතිජට අත වැනුවේ ඉස්සරහට එන්න කියලා සිග්නල් එක දෙන ගමන්.
´´ උඹලා මොකද එළියේ ``
´´ තාම ඇතුළට ගත්තේ නෑ බං... උන්ගේ ආගම කියලා ඉවර වෙනකන් ඉන්න ඕන නේ..``
´´ කෝ සාහිර්..``
´´ ඌ අන්න ඇතුළට ගියා.. අපිට ප්ලෙස් එකක් බලන්න``
´´ මචං.. කසුන් කෝ...``
´´ කයිටා.. මෙහෙට වරෙන්..``
´´ උඹේ වැඩි කෑල්ල.. සම්ජේදනය කරලද ඉන්නේ...``
´´ ඒ .. කියන්නේ `` කසුන් ෆුල් අප්සෙට් ගහලා ඇහුවා.
´´ ගයාන් අහන්නේ උඹේ අසවල් එක කපලා ද කියලා ``
´´ ඇයි බං``
´´ නෑ මුන් කන්න දෙන්නෙ  කපපු උන්ට විතර ලු``
´´ හුටා..  ඉතිං දැන් උඹලාගේ කපලද?``
´´ තාම නෑ.. අපි මේ පෝලිමේ ඉන්නේ ඒ වැඩේට..`` ගයාන් ගානට කසුන්ව අන්දනවා.
´´ මචං.. මං නිරංජන්ලත් එක්ක එන්නම්.. උඹලා අපිටත් එක්ක තැනක් සෙට් කර ගනින්කෝ..``
කසුන්ට නිරංජන්ලත් එක්ක සෙට් වෙනවට වඩා, හොදටම බය වෙච්ච එක තමයි ඔහොම කියන්න හේතුව කියලා යා෾එවො දෙන්නටම තේරුණා.
´´ හරි.. හරි.. යමං යමං.. පරක්කු වෙන්න බෑ..`` කඩා ගෙන බිඳගෙන ආපු සාහිර් ක්ෂිතිජලගේ අතින් ඇදගෙන දුවන්න පටන් ගත්තා. තැන් තැන් වල කට්ටිය ගොඩ දෙනෙක් බිම රවුමට වාඩිවෙලා හිටියා. එතැන හිටපු ගොඩක් අය මුස්ලම් කට්ටිය කියලා බැලූ බැල්මට පෙනුනා.
´´  ටක් ගාලා හයක් සෙට් කර ගනින් ``
´´ ඇයි බං හයක් ``
´´ යකෝ ඕක උඹටයි මටයි විතරක් කන්න බෑ, පට්ට ලොකුයි``
´´ ඒ කයිටා, නිරා, ඇන්ජි වරෙන්``
´´ හරිනේ දැන් හය කම්පීලීට්..``
´´රවුමට වාඩිවෙයල්ල.. පිළිවෙලට හිටපන්..  බිම හීරන්න එපා.. අත් දෙකින් අනන්න එපා.. පරක්කු වෙන්න බෑ.. කාපු ගමන් මාරු උනා.. හරිද?`` සාහිර් එක හුස්මට උපදෙස් මාලාවක් කියවගෙන යනවා.
මුලින්ම ලොකු බුරියානි බත් බන්දේසියක් ගෙනාවා. ඒක හය දෙනෙකුට කෙසේ වෙතත් දහ දෙනෙකුට විතර ඇතිවෙයි කියලා ඇන්ජිලෝ ට හිතුණා. ඊළඟට ගෙනාවේ රෝස් කරපු කුකුලෙක්.
´´ ඉක්මන් කරපන්... වැඩි වෙලාවක් නෑ..`` සාහිර් කන්න කියලා සිග්නල් එක දුන්නා විතරයි කට්ටිය ඇදලා ගත්තේ කුකුලාව. ඇදපු ඇදිල්ලට කුකුල දෙකට කැඩුණා. සාහිර් ඇස් දෙක උඩ දාගෙන බලන් හිටියේ මුන්ගේ තියෙන මල පෙරේතකම කියලා හිතින් බැණ බැණ.
´´ ඉක්මනට කාපන්.. නැත්තම් උඹට මස් කෑල්ලක් තියා.. කටු කෑල්ලක් ඉතිරි වෙන්නෙ නෑ...`` ගයාන් සාහිර් ට කිව්වෙ කුකුල් අඩුවක් කන ගමන්.
´´ ඔය බත් ටිකත් දාගනින්.. ඕව ඉතිරි කරන්න බෑ.. පව් සිද්ධ වෙනවා...``
කට්ටිය එක හුස්මට මැෂින් අඹරනවා. ක්ෂිතිජ ටිකක් ඔලුව උස්සලා බැලුවේ අනිත් උන් ඇවිල්ලද කියලා. අනිත් කොල්ලොත් ඔලු ටික පහත් කරගෙන රේස් එකට බත් කනවා වගේ කාගෙ කාගෙන යනවා. සමහරු අත් දෙකින්ම බත් අණනවා. සාහිරුත් මෙතැන හිටියේ නැත්තම් අපිත් ඔය වගේ තමයි කියලා හිතෙන කොට ක්ෂිතිජගේ කටට පුංචි හිනාවක් ගියා.
´´ උඹ අනිමිසි ලෝඡන පූජා කරන කොට අපි.. දෙවැනි වටේ යන්න හදන්නේ.. කාපං`` ගයාන් ක්ෂිතිජගේ බෙල්ලෙන් අල්ලලා ඇතුළට ඔබා ගත්තා.
´´ මල්ලිලා හරක් මස් කනවා ද ? `` පල්ලියේ වැඩ කරන අයියා කෙනෙක් ඇවිත් අහනවා.
´´ ගේන්න ගේන්න අයියේ අපි මිනී මස් ඇර ඕන මසක් කනවා `` කසුන් මස් කට්ටක් හපන ගමන් කිව්වා.
´´ යකෝ මගෙ කාඩ් එක කන්න එපා.. ටිකක් ඩිසිපිලින් පෙන්නපං..`` සාහීර්ට මල පැනලා.
´´ කන වෙලාවට මොන ඩිසිපිලින් ද  බං.. පලයන් බං යන්න..``
මස් බිස්ටෙක් කරලා ලොකු භාජනයකුත් තව මොනවද තියන භාජනයකුත් අරන් අර අයියා ආපහු ක්ෂිතිජල ඉන්න තැනට ආවා.
´´ මචං මේකේ මොනවද ?``
´´ මේක පුඩිං වර්ගයක්... බත් කාලා කාපන්``
´´ ක්ෂිතිජ මොකෝ .. උඹට ඇති ද? ``
´´ ඇති බං.. බඩ ෆුල්``
අර කෑම ගැන අහපු අයියා බොහොම කලබලෙන් ක්ෂිතිජලගේ පැත්තට දුවගෙන එනවා කට්ටිය දැක්කා.
´´ මල්ලි.. මල්ලි.. ලොකු අප්සෙට් එකක්``
´´ ඇයි අයියේ..``
´´ කවුද සර්ලා කට්ටියක් ඔයාලා එනකන් පහළ ගේට්ටුව ගාව බලන් ඉන්නවා...``
´´ හුටා..`` කටට ගත්තා බත් කට ස්ටොප් කරන ගමන් සාහිර් ට කියවුණා.
´´ මල්ලි මං යනවා අනිත් අයට කියන්න``
´´ හරි හරි අයියේ තෑන්ක්ස්``
´´ මචං ක්ෂිතිජ.. ටිකක් ගේට්ටුව ගාවට ගිහින් බලං වරෙන් මොකාද ඇවිත් ඉන්න ග්‍රහයා කියලා``
හැමදාම මද්දුම බණ්ඩාර චරිතෙ එදත් පුරුදු විදියටම කරන්න උනේ ක්ෂිතිජට. ගේට්ටුව ගාවට ලං වෙනකොටම ක්ෂිතිජ දැක්කා මස් වැද්දයි.. කසිප්පුවයි.. පොලිස්කාරයෝ දහ දෙනෙකුයි ගේට්ටුව ගාව වට කරගෙන ඉන්නවා.
´´ මල **** තමයි වෙන්නේ `` ක්ෂිතිජ තමන්ටම කියා ගත්තා.
ක්ෂිතිජ ටාර් ගාලා එතනින් කැපුණේ යා෾එවෝ ටිකට සීන් එක කියන්න.
´´ මචං මස්වැද්දයි, කසිප්පුවයි දෙන්නම ඇවිත්``
´´ හපොයි.. ඩෙසට් එක කෑවෙත් නෑනේ බං.. මුන් කලින්ම ඇවිල්ලා නේ `` නිරංජන් මූණ බුරියානි කරගෙන කිව්වා.
´´ උන් ඇවිත් තියන්නේ බොට ඩෙසට් එක කවන්න...`` ගයියා ට මල පැනලා.
´´ වේලාවක් නෑ... සාහිර් උඹේ රූල් එක කඩන්න වෙනවා... මචං ඔය පුඩිම හලපං බත් එකට...``
´´ බත් එකට.. පුඩිං..?``
´´ නැත්නම් කන්න වෙන්නෙ නෑ යකෝ...``
නිරංජන් එක පාරටම බත් එකට පුඩිං එක හැලුවා.  දෙපාරක් බලන්නේ නැතුව ගයාන් අත් දෙකින්ම පුඩිං එක බුරියානි එකට මික්ස් කරා. කට්ටිය එකසිය ගාණට ස්පීඩ් එක වැඩි කරලා කන්න පටන් ගත්තා.
´´ උන් ඇත්තේ අපි කාලා ඉවර වෙනකන්``
´´අරුන් අර කොහෙද දුවන්නේ..``
´´ පල්ලියේ පිටිපස්සෙ පොඩි ගේට්ටුවක් තියෙනවා.. ඒක වැටෙන්නේ රිච්මන්ඩ් හිල් පාරට... අපිත් මේක දාලා දැන් යං``
´´ මල්ලිලා පිටිපස්සේ ගේට්ටුව යූස් කරන්න.. බත් ඉතුරු උණාට අවුලක් නෑ..``
අර අයියා ෆුල් බකප් එක දෙනවා.
´´ තෑන්ක්ස් අයියේ... පිං පිං``
´´ ඔය ඇති දැන් යමං..``
´´ මචං අත් දෙක හෝදගත්තෙ  නෑනේ``
´´ දැන් උඹ කෑවෙත් අත් හෝදගෙන ද? අරුන් එන්න කලින් යමං``
ඉඳුල් අත් පිටින්ම ක්ෂිතිජලා පල්ලියේ පිටිපස්සේ ගේට්ටුව ගාවට දුවන්න පටන් ගත්තා. කෙහෙල් ගස් පෙරළ ගෙන අසූ මහ මාර සේනාව ළග එන කොට දුවන්න දිවිල්ලට වැඩියෙන් කොල්ලෝ සේරම එක පිම්මට දුවනවා.
´´ මචං ගේට්ටුව ගාව රශ් එක වැඩියි.. තාප්පෙන් පනිමුද ?``
´´ අනේ මචං .. එතකොට මං``
´´ ඒක තමයි කියලා තියෙන්නේ උඹට ඕවා ටිකක් පුරුදු වෙන්නැයි කියලා.. දැන් ඉතිං කෙලවා ගන්නවා නේ...``
´´ හරි මමයි කයිටයි මුලින් පනින්නං.. උඹලා මූව නග්ගපං..``
´´ හරි හරි මං ඉන්නවානේ`´ ගයාන් යාලුවා වෙනුවෙන් වැඩේ භාර ගත්තා.
සාහීරුයි කසුන් එක්ක මුලින් පැන්නා.
´´ දැන් ඉතිං එල්ලියන් තාප්පේ ``
ක්ෂිතිජ පොඩි ට්‍රයි එකක් දැම්මා. නිරංජන් එක්ක ගයාන් ක්ෂිතිජගේ යටින් අල්ලලා එහා පැත්තට පැන ගන්න සපෝට් කරා.
´´ අපෝ.. මරණේ.. නැගපං.. නාකි බල්ලෝ මීට වඩා ඉක්මනට නගිනවා.``
තාප්පෙ උඩට බඩගාපු පාර ක්ෂිතිජගේ ෂර්ට් එකේ බොත්තම් වගයකුත් ගැලවිලා. සුදුපාට කලිසමේ ගඩොල් පාරවල් හැමතැනම. හරියට යුද්ධෙට ගිහින් වගේ.
´´ දැන් ඉතිං පැනපං පහළට..``
´´ අනේ බයයි බං``
´´ පැනපං..`` ගයාන් පැන්නේ ක්ෂිතිජගේ අතිනුත් ඇදගෙන. අඩි හයක් විතර උස තාප්පෙන් පැනපු පැනිල්ලට ක්ෂිතිජගේ කකුලත් මොකක්ද උණා වගේ කියලා දැණුනා.
´´ දැන් කොහෙටද යන්නේ.. මේ පැත්තට ගියොත් අහු වෙනවා``
´´ ක්ෂිතිජලගේ ගෙදර යං``
´´ කවුද මේ වෙලාවට ගෙදර ඉන්නේ ``
´´ ආච්චි විතරයි..``
´´ ආච්චි ඇහුවොත් මොකද කියන්නේ ?``
´´ මොකක් හරි කියලා ෂේප් වෙමු බං.. දුවමුද ?``
කට්ටිය පාර දිගේ එක හුස්මට තියෙන හැම ෂෝට් කට් එකකින්ම ක්ෂිතිජලගේ ගෙදර බලා දුවන්න පටන් ගත්තා.
´´ යකෝ මේ දුවන දිවිල්ල දැක්ක නං.. අපිව අර  ගන්නවා ඔලිම්පික් වලට...``
´´ ඇයි ඔලිම්පික් වලට ගම හරහා දුවන්නද ?``
කට්ටිය ක්ෂිතිජලගේ ආච්චිව ෂේප් කරගෙන ගෙට ඇතු෾එ උණා. ආච්චිව ගොඩ දාන වගකීම ගයාන් බාර ගත්තෙ ආච්චිගෙන් කවදත් ගයාන්ට ලකුණු තිබුණු හින්දයි.
**********

PDF File Download: http://www.mediafire.com/file/iwdk5qxoepuq5as/sithagawa%20oba%20inna_2011.07.04.pdf